گل, کؤنول, اینجیمه بیزدن

قالسین, کؤنول, یول قالماسین!

اول-آخیر یول قدیمدیر

قالسین, کؤنول, یول قالماسین!

ارنلر بیزه بوسودیر

یالان سؤیلهٔن آسیدیر

بو گئرچکلر نفه‌سیدیر

قالسین, کؤنول, یول قالماسین!

بابچادا آچیلان گولدیر

معنایی سؤیلهٔن دیلدیر

پس, ازلدن قدیم یولدیر

قالسین, کؤنول, یول قالماسین!

باشیندادیر آلتون تاجی

بودور, ارنلر مئراجی

کسکیندیر یولون قیلیجی

قالسین, کؤنول, یول قالماسین!

ائی دیوانه, ائی دیوانه

عاشق اولان قییار جانه

خطای دئر, تاجلی خانه

قالسین, کؤنول, یول قالماسین!